Heybətdən Zarafatlar
Heybətin
zarafatları
Heybət Məmmədov Ərkivan
qəsəbəsinin İsoba məhəlləsində boya-başa çatıb. Ərkivanda sovxoz
direktoru, Masallıda mehmanxana müdiri işləmişdir.
İçək kəllərin
sağlığınaHeybət uzaqdan gəlmiş qonaqların da iştirak etdiyi bir ziyafət məclisində
olarkən birdən qapı açılır, briqadirlərdən biri başını içəri salaraq hövlənk
deyir:
- Yoldaş Mamedov çaydan
keçərkən sel taxıl dolu arabanı apardı. Heybət briqadirin sözünü kəsib soruşur
- Kəllər necə salamatdırmı?
- Bəlli, yoldaş Mamedov, kəlləri arabadan aça bildik.
Heybət üzünü məclisdəkilərə tutaraq deyir:
- Hə, yoldaşlar,
içək kəllərin sağlığına.
Sakit,-deyir,-muğam
oxunanda danışmazlar. Yağışlı payız günlərinin birində raykomun üçüncü katibi Ərkivana
gəlir, birbaşa kolxoz sədri Heybətin kabinetinə girib və başlayır onu
danlamağa:
-Yoldaş Mamedov, bu nədir,
kolxozçular taxıl əkini ilə məşğuldur, sən isə kabinətdə oturub muğamata qulaq asırsan?
Heybət iki barmağını
dodaqlarına qoyub:
-Sakit,-deyir,-muğam oxunanda danışmazlar.
Katib daha bərkdən danışmağa başlayır:
- Mən bu dəqiqə kolxozçuların
yanından gəlirəm. Onlar səndən bərk
narazılıq edirdilər. Deyirdilər ki, sən əkinlə qətiyyən maraqlanmırsan.
Heybət katibin çəkmələrinı baxıb görür ki, tərtəmizdir, güzgü kimi
parıldayır. Başını qaldırıb katibdən
soruşur:
-Bağışlayın, yoldaş katib, bu
çəkmələri harada və kimə tikdirmisiniz?
-Niçevo, pavarotun pis deyil.Heybət Ərkivanda kolxoz sədri işləyərkən təsərrüfata "Pobeda” markalı
yeni minik maşını verirlər. Bir müddət sonra o, "Pobeda” ilə Bakıya getməli
olur. Kəskin döngələrin birində sürücü
Ağakğrim sürəti azaltmadığı üçün maşın çevrilib yolun kənarına düşür. Heybət və
Ağakərim maşından çıxıb bir-birinə baxırlar. Az keçməmiş Heybət üzünü Ağakərimə
tutub deyir: -Niçevo, pavarotun pis deyil.
Amma
neyləyəsən ki, bədbəxtin
vidi yoxdur.Heybət kolxoz sədri,
Kamil Mirzəyev isə kənd sovetinin sədri imiş. Raykomun birosunda vergi planının
kəsirdə olması məsləsi müzakirə edilirmiş,
Kamil Mirzəyev söz alıb deyir:
- Yoldaşlar,
vergi planımız kəsirdədir. Bunun əsas səbəbi kənddə işləyən bəzi vəzifəli
adamlardır, onlar vergi verməkdən imtina edirlər.
Raykomun birinci katibi
Məmməd Məmmədov soruşur:
- Siz kimi nəzərdə tutursunuz?
Kamil Mirzəyev deyir:
- Məsələn, Heybət Mamedov, o vergi vermir Heybət söz alıb deyir:
-Yoldaşlar, Bizim rayonda 21 sovetlik var. Onların sədrlərinin hamısı ibtidai təhsillidir, bu
Kamil Mirzəyev onlara nisbətən bir az savadlıdır. Amma neyləyəsən ki, bədbəxtin
vidi yoxdur.
- Öz üzərində işləsən,bəlkə səndən
xanəndə çıxar.
Dərin muğam bilicisi olan Heybət saatlarla muğama qulaq asmaqdan
yorulmazmış. Bir gün kəndə bir xanəndə
gəlir. Heybət buna sifariş verir ki, bir Şur oxusun. Xanəndə birtəhər, "Şur”un
qabırğasını sındıra-sındıra oxuyub başa çatdırır. Qurtarandan sonra üzünü tutub
Heybətə
-Hə necə oxudum, yoldaş Mamedov? Heybət deyir:
- Öz üzərində
işləsən, bəlkə səndən xanəndə çıxar.
- Ört qapını,
bala, bu, maşın insan üçündür Bir dəfə Heybət Mamedov təzə "Pobeda” ilə rayon mərkəzindən kəndə
qayıdarkən bir nəfərin yolun ortasında oynaya-oynaya maşına əl qaldırdığını
görür. Heybət sürücü Ağakərimə deyir:
-Saxla görək bu hansı havaya
oynayır?
Maşın dayanan kimi həmin adam
Heybətin yanından keçib maşının qapısını açır. Heybət baxır görür ki, bu, əməlli-başlı dəlidir, üst-başı da tamam
palçıq içindədir. Bir ona, bir də maşının təptəzə oturacağına baxıb deyir:
- Ört qapını, bala, bu, maşın insan üçündür
-Gəziş bala,gəziş!
- Əgər bir nəfər Heybətə ağıla batmayan yaxud qeyri-ciddi bir söz desıydi,
bir qayda olaraq belə cavab alardı:
-Gəziş bala,gəziş!
Heybətin
kəlamları-Xan Şuşinskidən sonra muğamat
mülkünü Yaqub Məmmədova tapşırmaq olar
- Araqdan başqa yerdə qalan bütün içkiləri ağıza almağa dəyməz.
Bu zarafatlar
öncə "Ərkivan” qəzetində, sonra isə "Ərkivan və ərkivanlılar” kitabından
götürülmüşdür.