Arkivan.az » Xəbərlər » "Ərkivan şəhidləri" filminin təqdimatı oldu – FİLM/FOTOLAR

"Ərkivan şəhidləri" filminin təqdimatı oldu – FİLM/FOTOLAR


Masallı rayonu, Ərkivan qəsəbəsində yerləşən “Grand” İstirahət və Əyləncə Mərkəzində “Ərkivan şəhidləri” sənədli filminin təqdimat mərasimi keçirilib.

“Masal prodakşın”-ın istehsal olan ekran əsəri Masallı rayonu Ərkivan qəsəbəsindən olan şəhidlərin əziz xatirəsinə ithaf olunub.

Filmin premyerasında şəhid ailələri, qazilər, ziyalılar, ictimayət və media nümayəndələri iştirak ediblər.
 
Şəhidlərin xatirəsi bir dəqiqəlik sükutla yad edildikdən sonra tədbiri giriş sözü ilə açan “Masal prodakşın”-ın baş direktoru Cəfər Cəfərov təqdimatı keçirilən film barədə məlumat verib.

O bildirib ki, “Ekran əsəri “Masal prodakşın”-ın vətənpərvərlik mövzusunda ilk işi deyil. Bundan əvvəl prodakşının istehsal etdiyi “Zəfər yolu” sənədli filmi izləyicilər tərəfindən böyük maraqla qarşılanmışdı. Doğulub boy-başa çatdığım Ərkivan qəsəbəsidən Birinci və İkinci Qarabağ Müharibələrində Şəhidlik məqamına yüksələn 22 qəhrəman oğul var. Onların qəhrəmanlıqlarını gələcək nəsillərə çatdırmaq hər birimizin mənəvi borcudur. Biz qismən də olsa bu borcu ödəməyə çalışdıq”  – deyə baş direktor qeyd edib.
 
Sonra “Zəfər yolu” sənədli filmi nümayiş olub.
Nümayişdən sonra çıxış edənlər filmin ərsəyə gəlməsində “Masal prodakşın”-ın yaradıcı heyətinə minnətdarlıqlarını bildiriblər.

Qeyd edək ki, “Ərkivan şəhidləri” sənədli filminin ideya və ssenari müəllifi Cəfər Cəfərov, quruluş və təsvir rejissoru Elsevər Əliyev, montaj rejissoru Faiq Mirzədir.

SƏNƏDLİ FİLM 


















  • Tarix: 25.03.2022, 23:55
«    Sentyabr 2022    »
BeÇaÇCaCŞB
 1234
567891011
12131415161718
19202122232425
2627282930 
Xəbərlər